Februar 2017: Mildt i heile landet
Månadstemperaturen for heile landet låg 2,7 °C over normalen. Dei største avvika over normalen var på Finnmarksvidda, indre delar av Nord-Trøndelag og på Austlandet. Månadsnedbøren var som normalen, men veldig spreit fordelt i landet. Relativt våtast var det på Finnmarksvidda og på Sørlandet.
Heile månadsrapporten "Været i Norge - februar 2017" finn du her (pdf).
Lufttemperatur
Månadstemperaturen for heile landet låg 2,7 °C over normalen. Dei største avvika over normalen var på Austlandet og Finnmarksvidda.
Dei varmaste stasjonene var
- Ytterøyane fyr (Flora, Sogn og Fjordane) og Svinøy fyr (Herøy, Møre og Romsdal) med 4,2 °C (1,9 °C og 1,5 °C over normalen)
- Kråkenes (Vågsøy, Sogn og Fjordane) 4,1 °C (1,6 °C over normalen)
- Ona II (Sandøy, Møre og Romsdal) 4,0 °C (1,5 °C over normalen)
Dei kaldaste stasjonane var
- Karasjok-Markannjarga (Finnmark) -12,9 °C (2,5 °C over normalen)
- Suolovuopmi - Lulit (Kautokeino, Finnmark) -12,3 °C (1,4 °C over normalen)
- Kautokeino (Finnmark) -12,0 °C (2,8 °C over normalen)
Høgaste maksimumstemperatur, 13,4 °C, blei registrert 3. februar på Svelgen II (Bremanger, Sogn og Fjordane). Lågaste minimumstemperatur var -33,9 °C, og blei målt på Suolovuopmi - Lulit (Kautokeino, Finnmark) 19. februar.
Nedbør
Månadsnedbøren var som normalen, men spreidd fordelt i landet. Relativt våtast var det på Finnmarksvidda og på Sørlandet.
Dei våtaste stasjonene var
- Gullfjellet (Bergen, Hordaland) 291,7 mm (ingen normal)
- Hundseid i Vikedal (Rogaland) 254,6 mm (139 % av normalen)
- Haukeland - Storevatn (Masfjorden, Hordaland) 248,8 mm (ingen normal)
Dei tørraste stasjonene var
- Skjåk II (Oppland) 2,8 mm (23 % av normalen)
- Skjåk (Oppland) 5,8 mm (39 % av normalen)
- Gol - Stake (Buskerud) 9,3 mm (44 % av normalen)
Høgaste døgnnedbør var 71,4 mm, og blei målt på Lurøy (Nordland) 13. februar.
Normalen
Normalar er gjennomsnittsverdi over ei bestemt 30-års periode. I dag brukar vi normalane for 1961-1990.