Månadstemperaturen for heile landet låg 3,9 gradar over normalen, og månaden er blant dei 12 mildaste januar-månadene i ein serie som går tilbake til 1900. Relativt varmast var det i indre strøk av Trøndelag og Nordland, og i Hedmark, med avvik på 6-7 gradar.
Dei varmaste stasjonane var
- Svinøy fyr (Herøy, Møre og Romsdal) 5,4 °C (2,4 °C over normalen)
- Ytterøyane fyr (Flora, Sogn og Fjordane) 5,2 °C (2,4 °C over normalen)
- Ona II (Sandøy, Møre og Romsdal) 5,2 °C (2,6 °C over normalen)
Dei kaldaste stasjonane var
- Karasjok – Markannjarga (Finnmark) –12,1 °C (5,0 °C over normalen)
- Kautokeino (Finnmark) –10,9 °C (5,1 °C over normalen)
- Couvddatmohkki (Karasjok, Finnmark) –10,9 °C (4,9 °C over normalen)
Høgaste maksimumstemperatur, 15,9 °C, blei registrert 26. januar på Sunndalsøra III (Sunndal, Møre og Romsdal). Langvarig fønvind gjorde at døgnmiddeltemperaturen på Sunndalsøra for 25. januar blei 13,8 °C. Desse tilsvara døgnnormalen for 4. juli, og er truleg den høgaste døgnmiddeltemperaturen ein norsk verstasjon har hatt i januar. Lågaste minimumstemperatur var –42,4 °C, og blei målt i Kautokeino (Finnmark) 4. januar.
Nedbør
Månadsnedbøren for heile landet var 135 % av normalen, og månaden er blant dei 20 våtaste for januar i serien som går tilbake til 1900. Relativt mest nedbør kom det på stasjonar i Nordland og Troms med 250-300 % av den normale nedbøren. Nokre stasjonar på Austlandet fekk under 30 % av normalen.
Dei våtaste stasjonane var
- Lurøy (Nordland) 612,2 mm (248 % av normalen)
- Gullfjellet (Bergen, Hordaland) 519,8 mm (ingen normal)
- Haukeland – Storevatn (Masfjorden, Hordaland) 452,2 mm (ingen normal enno)
Dei tørraste stasjonane var
- Tunhovd (Nore og Uvdal, Buskerud) 6,9 mm (22 % av normalen)
- Otta – Skansen (Sel, Oppland) 7,3 mm (ingen normal enno)
- Østre Toten – Apelsvoll (Oppland) 8,2 mm (22 % av normalen)
Høgaste døgnnedbør var 120,2 mm, og blei målt på Storforshei (Rana, Nordland) 26. januar.
Arktis
Bjørnøya var den mildaste stasjonen med ein middeltemperatur på -3,2 °C (4,9 °C over normalen). Svalbard lufthamn hadde ein gjennomsnittstemperatur på -10,3 °C (5,0 °C over normalen). Svalbard lufthamn har ikkje hatt ein einaste månadstemperatur under normalen etter november 2010, dvs. 74 månader på rad. Ny-Ålesund hadde ein middeltemperatur på -11,6 °C (2,3 °C over normalen). Sveagruva var kaldast med -12,5 °C i gjennomsnitt, 3,6 °C over normalen. Jan Mayen hadde -3,3 °C som gjennomsnitt. Dette er 2,4 °C over normalen. På Hopen var månadstemperaturen -6,4 °C, noko som er 7,8 °C over det normale. Kvitøya fekk -8,9 °C som månadstemperatur. Stasjonen har ingen normal enno.
Høgaste maksimumstemperatur blei målt på Jan Mayen med 4,0 °C den 16. januar. Månadens lågaste minimumstemperatur var -31,7 °C, og blei registrert 31. januar i Sveagruva.
Bjørnøya fekk mest nedbør av dei arktiske stasjonane med 105,3 mm (351 % av normalen). Svalbard lufthamn var tørrast med 24,6 mm (164 % av normalen).
Ny-Ålesund målte størst døgnnedbør av dei arktiske stasjonane med 12,3 mm den 17. januar.