Våt og mild februarmånad
- På Austlandet låg temperaturen i snitt tre grader over normalen vi samanliknar med. I mesteparten av Sør-Noreg var månaden «varm» eller på den milde sida av normalen. I enkelte område i Troms og Lofoten/Vesterålen var februar «kald», medan den elles i Nord-Noreg låg rundt normalen, seier Jostein Mamen, klimaforskar ved Meteorologisk institutt.
Månadsrapporten for februar finn du her
To temperaturrekordar
Vadsø lufthamn i Troms og Finnmark målte sin høgaste februartemperatur nokon gong med 5,4 grader 27. februar. Hasvik lufthamn i same fylke tangerte temperaturrekorden sin med 8,4 grader 27. februar.
- Det er einast målt like høg temperatur her éin gong før, i 2008, seier Mamen.
Månadstemperaturen for heile landet låg 1,1 grad over normalen i februar.
Dei varmaste stasjonane var
- Lindesnes fyr (Agder) 4,8 grader (2,8 grader over normalen)
- Lista fyr (Farsund, Agder) 4,7 grader (2,8 grader over normalen)
- Røvær (Haugesund, Rogaland) og Kvitsøy - Nordbø (Rogaland) 4,6 grader (1,9 grader og 1,8 grader over normalen)
Dei kaldaste stasjonane var
- Kautokeino (Troms og Finnmark) -13,7 grader (likt med normalen)
- Karasjok – Markannjarga (Troms og Finnmark) -13,1 grader (0,8 grader over normalen)
- Suolovuopmi – Lulit (Kautokeino, Troms og Finnmark) -12,9 grader (0,1 grader over normalen)
Fleire nedbørrekordar i Sør-Noreg
To stasjonar sette rekord for høgaste nedbørsmengde målt i februar.
Stasjonen Vågsli i Vinje kommune i Vestfold og Telemark sette månadsrekord for høgaste nedbørsmengde målt i februar med 192,1 millimeter. På Bremuseet i Sogndal i Vestland kom det 342,8 millimeter nedbør i februar, også det månadsrekord. Begge stasjonane hadde sine tidlegare rekordnoteringar frå 2020.
I tillegg sette 13 stasjonar rekord for høgaste døgnnedbør målt, alle i Viken, Oslo og Austfold og Telemark. Sjå vedlagte rekordtabell.
Fleire stasjonar, dei fleste i Nordland, fekk frå 50 til 75 prosent mindre nedbør enn normalt.
Dei våtaste stasjonane var
- Gullfjellet (Bergen, Vestland) 493,6 millimeter (39 prosent meir nedbør enn normalt)
- Øvstedal (Voss, Vestland) 453,6 millimeter (46 prosent meir nedbør enn normalt)
- Myrkdalen - Vetlebotn (Voss, Vestland) 447,5 millimeter (39 prosent meir nedbør enn normalt)
Dei tørraste stasjonane var
- Birtavarre – Holmen (Kåfjord, Troms og Finnmark) 8,2 millimeter (ingen normal enno)
- Dombås – Nordigard (Innlandet) 12,1 millimeter (57 prosent mindre nedbør enn normalt)
- Tynset – Hansmoen (Innlandet) 13,8 millimeter (38 prosent mindre nedbør enn normalt)