Varmare desember enn normalt

Heile månadsrapporten "Været i Norge - desember 2016" finn du her (pdf). 

Lufttemperatur

Månadstemperaturen for heile landet låg 4,6 gradar over normalen, og månaden er blant dei 10 mildaste desember-månadene i ein serie som går tilbake til 1900. Relativt varmast var det i indre strøk av Austlandet, særleg i høgare område, og på nokre stasjonar i Nord-Noreg, med 6-7 gradar over normalen. Fire fylke fekk ny rekord for høgaste maksimumstemperatur.

Dei varmaste stasjonane var

• Ytterøyane fyr (Flora, Sogn og Fjordane) 7,3 °C (3,6 °C over normalen)
• Svinøy fyr (Herøy, Møre og Romsdal) 7,2 °C (3,3 °C over normalen)
• Fedje (Hordaland) 7,1 °C (3,5 °C over normalen)

Dei kaldaste stasjonane var

• Karasjok – Markannjarga (Finnmark) –10,1 °C (5,2 °C over normalen)
• Nyrud (Sør-Varanger, Finnmark) –8,9 °C (ingen normal enno)
• Pasvik – Svanvik (Sør-Varanger, Finnmark) og Sihccajavri (Kautokeino, Finnmark) –8,3 °C
• (hhv 2,7 °C og 5,8 °C over normalen)

Høgaste maksimumstemperatur, 18,1 °C, blei registrert 30. desember på Sunndalsøra III (Sunndal, Møre og Romsdal). Lågaste minimumstemperatur var -35,8 °C, og blei målt på Cuovddatmohkki (Karasjok, Finnmark) 4. desember.

Nedbør

Månadsnedbøren for heile landet var 150 % av normalen, og månaden er blant dei 10 våtaste for desember i serien som går tilbake til 1900. Relativt våtast var det på nokre stasjonar i Trøndelag og Nord-Noreg, med 250-300 % av normalen. Fleire stasjonar på Austlandet fekk under 25 % av den normale månadsnedbøren.

De våteste stasjonene var

• Øvstedal (Voss, Hordaland) 695,0 (209 % av normalen)
• Gullfjellet (Bergen, Hordaland) 622,6 mm (ingen normal)
• Eide på Nordmøre (Møre og Romsdal) 619,2 mm (236 % av normalen)

De tørreste stasjonene var

• Alvdal (Hedmark) 0,2 mm (ingen normal ennå)
• Gausdal – Follebu (Oppland) 4,8 mm (11 % av normalen)
• Hedal i Valdres II (Sør-Aurdal, Oppland) 8,0 mm (17 % av normalen)